انا خايف عليكى

الحزن باين ف الملامح
والحسرة تجرى ف الضلوع
تجرى تشق ذى الخيل وجامح
أيه اللى حصل ؟
وأيه اللى كان؟
ومين اللى باع؟
ومين اللى خان؟
ومين اللى زرع آهات الدموع؟
ومين اللى حصد آنين الضلوع؟
ومين اللى كاتم آهاته ف حبة ورق؟
ومين اللى سبناه وتاه ف بحر الغرق؟
ومين اللى خلى نيلك يحـول مــــداه؟
ومين اللى خلى عندليبك يبطل غناه؟
ومين اللى خلى أبنك يعيش لحظة انكسار؟
ومين اللى خلى شمسك تغرق ف عتمة جدار؟
سلاسل حديدهم
بتخنق طموحى
وانت يامصر
حبى وروحى
صوت السفينة
زمر ندانى
يلى غريب ف الوطن
مين اللى انـقــتــل؟
ومين اللى أصبح جانى؟
قلت ياسفينة الغرق
زلزل كيانى
غرقنا ف صندوق الورق
والتزوير رجع من تانى