مجرد فكره و عاوز اناقشكم فيها

انا من رأيي ان موضوع المساواه بين الرجل و المرأه مينفعش و مجرد فكره غلط و انا بتكلم مش من فراغ تعالو نشوف مع بعض بقي الفكره في اللي انا بقوله دا و يعني لو نتناقش سوا و نوصل لافضل الحلول و الافكار ....

بصو يا جماعه اولا دلوقتي الستات نادو بالمساواه بين الرجل و المرأه ماشي طيب ايه المشاكل اللي في الموضوع دا و ايه الاخطار اللي بيواجهها الرجل بعد القرار الغير مدروس نهائيا من جانب المرأه

1- الخطر الاول : دلوقتي في ازمه و بطاله في الشغل و الحريم بيشتغلو زيهم زي الراجل " سيبك انهم بيتعبو بدري و كمان سيبك من اجازه الحمل و اجازه الوضع و التريكو اثناء العمل و تفصيص البسله و الخضروات شفت بعيني محدش قالي" لما هما دلوقتي ياخدو المناصب اللي مش بتاعتهم الرجاله هتشتغل فين و مع العلم ايضا ان نسبه السيدات في مصر اضعاف نسبه الرجال .

2- الخطر التاني: هوه من جانب السيدات زياده نسبه العنوسه و زياده نسبه البطاله في الشباب .

3- الخطر التالت : و الاهم و هوه بيتكلم عن احتمالين و الاتنين كوابيس مزعجه للرجال
أ- ان الستات بعد كدا في المستقبل هما اللي هيروحو يخطبو الرجاله مش العكس و كمان تلاقي الست من دول حاطه رجل علي رجل و السوجاه في بؤها و بتتكلم عن المهر و الشقه و ان هيه اللي هتشتغل و الراجل هوه اللي هيغسل و يكنس و يمسح و يربي العيال و ياخد علي دماغه
ب- انهم بيعملو كدا بعدم تفكير عميق .
دلوقتي انا بعد اللي قلتو و يعني مش عارف انا قلت حاجه غلط او كلامي مكانش واضح كويس او معرفتش اوصل الفكره اللي في دماغي صح بس يارب اتفهم صح

المهم بقي يا جماعه انا هقولكم الفكره من الاخر ....
لو الستات قعدو في البيت و اكتفو بالشهاده الجامعيه هتتوفر فرص كتيره للشباب في العمل و كمان موضوع العنوسه هيقل جدا و هيبقي حالنا احسن من دلوقتي بكتير مستني ردودكم يا جماعه و يعني مين اللي موافق و مين اللي رافض و اللي رافض ايه اللي شايفو صح
""""" مع العلم ان اختلاف الرأي لا يفسد للود قضيه """"""

والله يا قمر عندك حق وده اللى أنا بقوله من زمان بس بتنادى فى صحرا
دا إنته لو بتنادى من السرو على راس الخليج هيسمعوك
ربنا يديك ويدينا الصحة

طب نعمل إيه ولما نيجى نكلم يقولك يا عم سيب الغلابة تعيش وسيب الناس تاكل عيش
والأهم إنك تلاقى الواحدة الموظفة دى فى الأيام دى مش عارف بنت مين والباشا مين والدكتور مين يعنى مهماش محتاجين أصلا بس يقولك واجهة إجتماعية
ياعم قمر خليك قمر زى مانتا ..... أحسن التفكير صعب

ربنا يخليك لينا وللرجالة الأحرار

انا من وجهة نظرى ان العمل الاساسى للمراه هو البيت كما وصنا رسول الله صلى الله عليه وسلم.

لا ن الموظفه دى بذات وهى مسؤله عن بيت وزوج بيكو ن فى تقصير فى احد الجوانب اما من ناحية الزوج او البيت أو الاولاد ان وجد . ودى تعتبر مشكله

زائر

مما لاشك فيه ان المساواه بين الرجل والمراه امر يجب المناقشه فيه لكن لازم وضرورى من المساواه وخصوصا الان يوجد وظائف لاينفع فيها الا المراه ووظائف معروفه للكل طبعا يعنى ايه البنت تفضل تتعلم طول حياتها ويجو واحد بدون اى وجه حق يقولها بلاش شغل ماكانت تتعلم ازاى تمسح وتكنس وتتطبخ احسن بدل منالتعليم الى هو فى نظر الرجاله مالهوش لزمه وازاى الرجل يقبل على نفسه ان هو يتجوز واحده مش متعلمه كل ده عشان متصلش وتحقق نجاحها قبله حاجه عجيبه جدا جدا

انت قديم اوى ياقمر
الموضوع دا انتهى من زمااااان اوى
لسه بتفكر فيه
احنا فى القرن الكام النهارده
النهارده احنا فى زمن وجدودنا كانو فى زمن تاااااااااااانى خالص
المرأه الان اصبحت وزيره وسفيره وطبيبه ومحاميه وقاضيه كمان
ايام جدودنا العريس مكنش بيشوف عروسته الا ليله الدخله وهو وحظه ياتصيب ياتخيب
مكنتش البنت بتخرج من بيتها نهائى ولو خرجت بتكون لابسه اليشمك ( النقاب) انما الان
احنا فى عصر تانى ومختلف اختلاف جذرى عن ايام جدى وجدك
وموضوع المساواه وهذا خلاص انتهى
المهم
ان الراجل ظل فى مكانه كما هو ولايتحرك فمن سيتحرك اذن
المراه
............... .........
الى ان اصبحت سفيره ووووو

» عاوز افهم ايه المغزى من ده؟؟؟ ردى يا اداره
» مجرد حلم
» الـصـديـق ليس مجرد حرووف
» قصص فيها العبر