مطرح مايرسى القلم

مطرح مايرسى القلم
هدق اشعارى
وهسيبه يبقى البطل
ويقول على كيف كيفه
ومنين مايجى الكلام
هرمى اساس دارى
مانا قلمى صاحب ورق
وانا فى الهوى ضيفه
ان حب يعمل شجاع
هسيبه يتعنتر
وهشوف له كام فكره
يعمل بهم منظر
ان عاش يعيش فارس
وراسه مرفوعه
وان مات شهيد
قدره
اهى موته ولا اكتر
ان حب يبقى الزعيم
ماهو برضه من حقه
الناس تخاف من آه
وتحترم لآه
يآمر وينهى بحبره
والكل اتباعه
بحبره يشطب عليهم
وبامضا يترقوا
ان حب يرسم خريطه
طيب وايه يعنى
وطنى وحقى عليه
ان قلت يسمعنى
هرسم حدوده حروف
على قدى وتسعنى
لغربة توجعنى
والحاء برغم الالم
حنين يرجعنى
ومابين حنين ورجوع
نفسى فى اجابة لسؤالى
انا اللى بعت الوطن
ولا الوطن باعنى

طارق المصرى








ا

مشكور تواجدك الكريم معنا فى المنتدى
وإلى مزيد من الرقى