الكتكوت الفصيح
فريق الاشراف
عدد الرسائل : 278
العمر : 44
تاريخ التسجيل : 13/01/2009
 |  موضوع: نؤيد سيادتك  الخميس يناير 15, 2009 7:31 am | |
|
نؤيد سيادتك لفترة جديدة
نكمل خلالها المسيرة السعيدة
و بالمرة فيها نبيع الحديدة
مفيش حاجة تانية نبيعها خلاص
*****
نؤيد سيادتك لأجل المزيد
من اللي تحقق بفضلك أكيد
بقينا خلاص ع الحميد المجيد
و ربك لوحده ف ايده الخلاص
*****
نبايع سيادته ولا حد غيره
كفايا علينا نبرطع في خيره
و نوم شعب مصر العظيمة و شخيره
يقول للحرامي ما تسرق كمان
*****
نبايع سيادته وابنه وحفيده
مفيش زي فكره قديمه و جديده
خرابك يا مالطة حيحصل بايده
ومين فيكي يعني بيسمع آذان
*****
نبوس ايد سيادتك و رجلك كمان
تخليك معانا يا ريس عشان
وجودك ضرورة فرضها الزمان
و من غير وجودك حقيقي نضيع
*****
دي مصر بتاعتك و احنا ضيوفك
كفايا علينا يا ريس نشوفك
و عاذرين سيادتك و فاهمين ظروفك
عليك بس تأمر و احنا نطيع
*****
في جزمة سيادتك كلابك يبوسوا
و فوق الغلابة بجزمهم يدوسوا
و شعبك ليلاتي يا ريس غموسه
مذلة و مهانة و حوجة و مر
*****
لكن يعني ما دمنا شعب انتساب
و دايما وأبدا ف حالة غياب
متعملش لينا يا ريس حساب
دي عزبة سيادتك و فيها انت حر
*****
و دستور مدستورش مش فارقة خالص
كلام فاضي كله يا فندم بناقص
كفايا علينا الفساد اللي ماصص
عرقنا و معشش و ضارب جذوره
*****
و ايه يعني تهري جتتنا البلاوي
يوماتي كوارث فضايح رشاوي
كفايا علينا القعاد في القهاوي
بنستنى لما الوريث ييجي دوره
| |
|
المدير العام
General manager
عدد الرسائل : 738
العمر : 44
تاريخ التسجيل : 11/12/2008
| | موضوع: رد: نؤيد سيادتك الخميس يناير 15, 2009 7:15 pm | |
| بجد ...بإسم أعضاء ورواد المنتدى نشكركم على جهودكم المبذولة فى إثراء المنتدى وإهتمامكم بالتطوير المستمر
ننتظر المزيد والجديد
شكرا لكم | |
|
محمد فوزى
سروى جديد
عدد الرسائل : 14
تاريخ التسجيل : 16/01/2009
| | موضوع: رد: نؤيد سيادتك الجمعة يناير 16, 2009 6:53 pm | |
| أكيد ده كلام سى أحمد فؤاد نجم
مشاركاتك نشيطة عشت لنا | |
|
