لا للفتنة الطائفية

لا للفتنة الطائفية
هى كـــلمــه بــقولها بالــفـم الفصيح
مصر عـــمــرها شعب واحد صحيح
ياعيون مصر دايما والقلب الجـريح
أحضنى وليـدك وأشهد يازمـان
*******
احضنى ابنك محمد وعيسى
واكشفى يلى الفتنه الخسيسه
جــوا نفس غــــريب دسيسه
ربنا شاهد علينا عمرنا ماحد خان
*******
فتنه مــن غـــدرها عــاش الـــــوجع
عصر الوحوش تانى وكأنه مـرتجع
مصر مش منبع ضلال ولاحتى منتجع
حبة دموع على خدها تشكى الـ كان
*******
لما الطيور المظلمه جوا منقارها الهلاك
طــارت على حدود حلمنا وبسمها الفتاك
مستخسرين على اهلنا يعيش لحظة حياه
او يروى بذور المحبه او حتى يبلغ مناه
وموجه من بحر الآلم بتلعن الغدر الجبان
******
مصر دايـما ف عنينا بـتلقيـنا مـهــما دار
واسألو مــن عصر مينا مـوحــد الامصار
وبشريعة نبينا المهتدى متفرقش دين اى جار
عيشين بــوحـــدة ضمنا وأشهد يـــازمــان
*******
اللقمه متقسمه ونـرتـــوى سوى مــن اللنيل
قـرآن حبينا النبى ونـؤمـــن سوى بالانجيل
ونعيش فى درب الآمل ع المدح والتراتيل
والفتنة فـكره مستورده تولع كــما البـــركان

مع تحيات طاهر السنباطى
وتسلمى يامصر على طول المدى